O proxecto “Espello deportivo “ chega a Bande
O proxecto “Espello Deportivo” reflexos da túa lingua, chega no seu percorrido ao Concello de Bande, o vindeiro luns 10 de xuño as 11:30h, no salón de actos do CEIP Xoaquín Lourenzo, contando coa presenza de Ruben Riós, que presentará ó medallista galego Juan Saavedra, na disciplina de tiro olímpico.
Conta co patrocinio da Excma. Deputación Provincial de Ourense e a Xunta de Galicia, a través da Rede de Dinamización Lingüística, a colaboración do Concello de Bande e máis o IES Aquis Querquernis. Esta actividade enmárcase dentro do proxecto de dinamización lingüística para o deporte presentada pola Consellería de Cultura, Educación e Ordenación Universitaria o pasado mes de abril, e na que un dos seus obxectivos é promocionar o deporte galego como símbolo de Galicia e que os deportistas de elite pidan unha maior identificación do deporte coa lingua galega.