Tres obras optan ao premio Ardeiro de poesía

Co gallo do quinto Cabodano do pasamento do poeta de Logrosa, esta tarde ten lugar o acto-literario promovido polo Concello e maila súa familia e amigos, de lembranza á figura de Pepe Ardeiro.

Tres obras optan como finalistas ao primeiro Certame de poesía Xosé M. López Ardeiro, cuxo fallo do xurado coñecerase hoxe, no Auditorio do Centro Sociocultural, a partir das 20:30 horas. Alturas do monte Pindo; De ser, e por último o traballo titulado Expansión, son os tres finalistas dun certame ao cal presentáronse un total de trece obras, incluíndo catro cuxa autoría corresponde a veciños e veciñas de Negreira, ademáis doutros procedentes de lugares como Cee, Muxía, Santa Comba, Vigo, Carral, Camariñas, Brión e Santiago de Compostela.

Neste acto en lembranza a Pepe Ardeiro, van a participar os poetas Xulio López Valcárcel e Miguel Anxo Fernán Vello, este último tamén editor, e amigos de Ardeiro, e por suposto, Pepe Ponte Far, crítico literario, e principal impulsor desta nova homenaxe a Ardeiro, na que por primeira vez vanse a interpretar poemas musicados seus, a cargo dos músicos Xosé Manuel Lago e Óscar Martínez, ambos os dous de Negreira.