Haridian Rodríguez incorpórase á concentración pola escordadura de Ainhoa Hernández

Jorge Donas, seleccionador absoluto feminino, decidiu incorporar á concentración que se está levando a cabo en Santiago de Compostela a Haridian Rodríguez, pivote do Mecalia Atl. Guardés, ante a escordadura de nocello que Ainhoa Hernández seproduciu no adestramento de onte luns. 

Ainhoa Hernández é baixa confirmada para o partido do mércores ante Austria (20:45h. Teledeporte) e durante as próximas 48 horas seguirá o tratamento marcado. En función da súa evolución, o xoves decidirase se viaxa para disputar o segundo partido de clasificación para o Campionato de Europa 2016 que levará ás #Guerreiras a xogar en Bulgaria o vindeiro domingo. 

As entradas para poder gozar o mércores, no Pavillón Multiusos Fontes do Sar, do partido entre España e Austria, están á venda a un prezo de 5 €.