Novo encontro de traballo con técnicos de emprego procedentes de Romanía

A Deputación da Coruña acolleu esta mañá a segunda das xornadas de traballo dirixida a técnicos do Servizo Público de Emprego procedentes de Romanía.

O encontro, enmarcado dentro do programa Green Jobs, contou coa presenza do vicepresidente segundo da Deputación e responsable da área de Desenvolvemento Económico, Turismo e Medio Ambiente, Antonio Cañás, e con membros deste servizo provincial.

Este encontro reunión tivo como obxectivo expoñer os resultados do traballo da Deputación no eido de promoción do emprego e explicar os proxectos europeos desenvolvidos, así como as experiencias prácticas relacionadas co medioambiente postas en marcha desde a institución provincial.