publicidade hoxe
Publicidade
omeulibro1

A Xunta entrega material e equipamento de emerxencias a cinco concellos da provincia de Lugo

PUBLICADO EN: Noticias de GaliciaLugo
A-
A+

O vicepresidente da Xunta, Alfonso Rueda, fixo entrega esta mañá de material e equipamento de emerxencias a Agrupacións de Voluntarios de Protección Civil e GES de 5 concellos da provincia de Lugo, que da continuación ao camiño iniciado nos últimos anos de dotar de máis material e equipamento de emerxencias ao persoal de emerxencias dos concellos galegos.

Alfonso Rueda, acompañado do xerente da Axega, Marcos Araújo e do delegado territorial da Xunta en Lugo, José Manuel Balseiro, indicou que esta entrega de hoxe se suma ao histórico investimento que se levou a cabo nos últimos anos, e que acada xa os 10,5 millóns de euros en equipamento de emerxencias cedido aos concellos galegos.

Así,hoxe da man do Goberno galego, os concellos de Cervantes, Negueira de Muñiz, Meira, Becerreá e Quiroga reciben material, que desta volta consiste en 2 pick-ups, un remolque, 2 furgóns e 1 pértiga, que suman un total de 195.000 de investimento por parte do Goberno galego.

Esta entrega da continuación ao camiño iniciado nos últimos anos de dotar de máis material e equipamento de emerxencias ás Agrupacións de Protección Civil aos Grupos de Emerxencias Supramunicipais. que co seu esforzo e dedicación contribúen decisivamente a ofrecer un mellor servizo aos cidadáns, dotándoos tamén de maior seguridade. Coa entrega de hoxe, o Goberno galego levou a cabo o pasado ano unha inversión que supera o millón de euros, cofinanciados polo Fondo Europeo de Desenvolvemento Rexional, no marco do programa operativo Feder-Galicia 2014-2020.

22 de xaneiro de 2019 | 16:24 • Sen comentarios

Comentarios pechados.