A Garda Civil detivo ao suposto autor dun delito de roubo con violencia en Nigrán.

A Garda Civil detivo a J.B.B., de 20 anos de idade e veciño de Nigrán como suposto autor dun delito de roubo con violencia dun bolso en devandita localidade. O pasado domingo, día 15, recibiuse denuncia no Posto Principal da Garda Civil de Baiona sobre o roubo dun bolso, polo método do “tirón”, cando a vítima paseaba por unha das rúas de Nigrán e en cuxo interior, ademais dos seus efectos persoais e documentación, levaba unha carteira con 1.700 euros.

Por tal motivo compoñentes do referido Posto Principal inician as correspondentes dilixencias para o esclarecemento deste feito delituoso, que deron resultado positivo no día de onte cando, tras a localización do suposto autor, procederon á súa detención e condución ás dependencias oficiais da Garda Civil para a instrución das correspondentes dilixencias. 

O detido, que conta con antecedentes policiais, foi posto a disposición do Xulgado de Instrución número CINCO de Vigo, quedando en liberdade con cargos