Un septuaxenario falece e unha sesaxenaria resulta ferida nun atropelo en Monforte

Un home de 72 anos faleceu e unha muller duns 62 resultou ferida nun atropelo rexistrado na noite do luns no termo municipal de Monforte de Lemos (Lugo). Segundo os datos facilitados polo 112, o atropelo tivo lugar sobre as 20,40 horas do luns diante do tanatorio de Monforte de Lemos.

Foron mobilizados a Policía Local, Protección Civil e o 061, que desprazou ao lugar tres ambulancias asistenciais e dous equipos médicos do Punto de Atención Continuada (PAC) de Monforte.

Foron atendidas dúas persoas e trasladadas ao Hospital de Monforte; un varón de 72 anos, A.S.F., que faleceu no servizo de Urxencias do hospital, e a muller ferida, M.V.G., de 62 anos.