publicidade hoxe
Publicidade
omeulibro1

Rogelio Martínez visita a depuradora de San Cibrao das Viñas tras as últimas obras

PUBLICADO EN: Noticias de GaliciaSan Cibrao das Viñas
A-
A+
Rogelio Martínez na visita a San Cibrao das Viñas

Rogelio Martínez na visita a San Cibrao das Viñas

O delegado territorial da Xunta en Ourense, Rogelio Martínez, visitou esta mañá as obras da depuradora de San Cibrao das Viñas que veñen a estar rematadas, logo de 19 meses de execución. Martínez destacou que esta actuación, froito do esforzo e traballo conxunto entre as distintas administracións, permitirá mellorar o saneamento e abastecemento do concello de San Cibrao das Viñas e das zonas industriais da contorna.

O delegado territorial supervisou os traballos xunto co delegado do Goberno en Galicia, Santiago Villanueva; o presidente da Confederación Hidrográfica do Miño-Sil, Francisco Marín Muñoz,; o vicepresidente da Deputación, Rosendo Fernández; e o alcalde do municipio, Manuel Pedro Fernández.

Rogelio Martínez incidiu na colaboración entre administracións –estatal, autonómica e local-, para mellorar aquelas infraestruturas que inciden directamente na calidade da auga que se devolve ao río e, polo tanto, tamén na calidade do medio e no benestar dos cidadáns. Neste caso, permitiu a construción da Edar de San Cibrao das Viñas cun investimento de 2.345.000 euros, dos que a Xunta achegou un 20%.

Esta actuación hidráulica permitirá solucionar os problemas de filtracións e a excesiva afluencia de pluviais, así como puntas de contaminación industrial que soporta a actual rede. O delegado territorial tamén destacou que se eliminan os vertidos que chegan ao río e deterioran o estado ecolóxico do Barbaña. “O obxectivo é dar servizo a unha poboación equivalente de 55.000 habitantes. Ademais de tratarse os vertidos de augas residuais dos núcleos poboacionais, se depurarán os dos polígonos industriais de Pereiro de Aguiar, Parque Tecnolóxico e San Cibrao, e das zonas industriais de Barreiros e O Piñeiral”, indicou Martínez.

5 de outubro de 2015 | 17:36 • Sen comentarios

Comentarios pechados.