publicidade hoxe
Publicidade
omeulibro1

Teo pretende pór en marcha un cursiño de exercicio físico e psicosocial para enfermos crónicos

PUBLICADO EN: Noticias de GaliciaTeo
A-
A+

O Departamento de Benestar do Concello de Teo, dirixido por Ignacio Iglesias, está preparando unha actividade de ximnasia para enfermos crónicos e os seus familiares. O deseño do programa estase realizando coa colaboración de Alcer, Asociación para a loita de enfermidades do ril.

Segundo indica o edil a intención é que as clases poidan comezar no mes de outubro e neste momento aínda hai prazas polo que as persoas que queiran asistir poden chamar ao teléfono 981 809 707. A actividade será gratuíta e está dirixida a calquera persoa maior de 18 anos cunha enfermidade crónica e os seus familiares. 

O formato das clases recolle moito máis ca exercicio físico xa que se farán actividades na natureza como camiñatas e traballarase en hábitos de vida saudable, habilidades sociais e desenvolvemento persoal. 

Inglés para maiores 

Por outra banda dende Benestar tamén se vén de asinar un convenio de colaboración con Gola, unha escola na que grandes e pequenos aprenden inglés dun xeito divertido. A través desta colaboración daráselle a oportunidade a un grupo de 12 persoas maiores de 60 anos de aprender un novo idioma. As persoas interesadas en asistir a esta actividade gratuíta poden chamar aos servizos sociais ao 981 809 707 e indicalo. As clases serán os venres de 19:30 a 20:30 horas e non hai que levar ningún tipo de material. A aprendizaxe farase dun xeito dinámico e divertido a través da conversa. A colaboración con Gola tamén permite que haxa alumnado infantil que asiste ás clases derivado dende o departamento de Benestar. 

17 de setembro de 2015 | 19:36 • Sen comentarios

Comentarios pechados.