Rexistran o domicilio dos dous detidos pola morte dunha muller na Pobra do Caramiñal

Este luns realizouse un rexistro do domicilio dos dous detidos en relación á morte dunha muller cuxo corpo foi achado na noite do domingo nunha leira da Pobra do Caramiñal (A Coruña) con feridas de arma branca. O rexistro levouse a cabo na tarde deste luns, segundo informaron fontes do Tribunal Superior de Xustiza de Galicia (TSXG), que apuntan que non está previsto que os detidos pasen a disposición xudicial este martes.

As detencións foron practicadas por axentes da Policía Xudicial da Garda Civil, segundo confirmaron fontes consultadas.

A falecida era unha muller de 39 anos de idade veciña de Riveira (A Coruña) que faleceu por feridas de arma branca. Foi na noite do domingo, pasadas as 21,00 horas, cando o dono dunha leira atopou o corpo da muller cando se dirixía a regar no lugar da Fandiña. A falecida presentaba varias coiteladas no costado.

A Garda Civil investiga os feitos, que están baixo segredo de sumario, decretado polo Xogado de Instrución Número 1 de Riveira en funcións de garda