O mércores parte a primeira Xeira do IEM do verán percorrendo as ribeiras do Río Muíños

O vindeiro mércores 1 de xullo terá lugar a Xeira polo Río Muíños. O percorrido contará coa guía do director da sección de xeiras do IEM, o botánico Xosé Ramón García. O punto de encontro será a Escola de Vela de Lourido (Praia América) en Nigrán, ás 18 horas. 

A actividade é para todo público e totalmente gratuíta sen inscrición previa. Recoméndase ter a precaución de levar auga para beber, e calzado apropiado para a travesía e gorro.O percorrido será de baixa dificultade, próximo aos 6 quilómetros a percorrer en tres horas.