A brigada de obras de Cerdedo realiza tarefas de melloras nos diferentes viais municipal

A brigada municipal de obras realiza tarefas de melloras nos diferentes viais de titularidade municipal en concreto nesta fase en:Vilar, Figueroa e Cabenca. Durante esta semana os operarios da brigada municipal realizaron distintos traballos de pavimentacións e canalizacións daqueles viais onde os veciños solicitaron a actuación para ampliar e facilitar o paso de vehículos e mellorar a seguridade vial.

Tras diversas visitas do Alcalde e os técnicos municipais a todas as parroquias do municipio, elaborouse un plan de melloras que recolle de forma prioritaria as actuacións que se realizaron estas 2 últimas semanas. Os traballos consisten na canalización das cunetas con tubos de PVC e posterior pavimentación en formigón destas, aumentando desta forma o ancho dos viais. Todas estas obras foron priorizadas porque eran imprescindibles para mellorar os accesos ás vivendas.

De forma complementaria no lugar de Figueroa debido a que a ampliación do vial se fixo en terreo cedido por un veciño, construirase un muro de contención de cachotaría de pedra similar ao que existía antes do derrubamento deste.

Espérase rematar a próxima semana estas tarefas e analizaranse as seguintes actuacións a realizar.