publicidade hoxe

Levantamento de actas previas á ocupación dos bens e dereitos afectados pola construción dunha senda peonil entre Ponteceso e Anllóns

PUBLICADO EN: Noticias de GaliciaLocal PortadaPonteceso
A-
A+

O Diario Oficial de Galicia (DOG) publica hoxe a data do vindeiro 30 de xuño como inicio do levantamento de actas previas á ocupación dos bens e dereitos afectados polo proxecto de construción dunha senda peonil na estrada AC-423 (Grilloi-Ponteceso), ao seu paso polo Concello de Ponteceso. Esta obra ten un presuposto de 300.000 euros.

Cabe sinalar que os cidadán poderán achegarse ata a Casa do Concello, en horario de 10.00 a 13.00 horas, para a consulta da documentación. Por outra parte, a relación de titulares, cos bens e dereitos afectados, así como o plano parcelario correspondente, estará exposta no Concello de Ponteceso e no Servizo de Infraestruturas da Coruña (r/ Vicente Ferrer, nº 2-8º andar).

A ese acto deberán acudir os titulares afectados persoalmente ou ben representados por persoa debidamente autorizada para actuar no seu nome, achegar os documentos acreditativos da súa titularidade, o documento nacional de identidade e o último recibo da contribución e poden facerse acompañar pola súa conta, se o consideran oportuno, dos seus peritos e notarios

Actuación importante

A necesidade desta actuación xorde do aumento da circulación de peóns e a unha maior densidade de edificacións, o que obriga a incrementar a seguridade viaria da estrada autonómica, en concreto no treito comprendido entre os puntos quilométricos 11+580 e o 13+970. A expropiación de bens afecta arredor de 2.000 metros cadrados de terreos, case todos asentados en solo rústico.

A senda peonil da AC-423 construirase na marxe dereita desta estrada, no treito que discorre pola parroquia de Anllóns e acaba á entrada da localidade de Ponteceso.

Os traballos terán unha duración de 4 meses e consisten en ampliar a plataforma da estrada para dispoñer a senda peonil; así como a execución de elementos de drenaxe, limpeza e sinalización. Ademais, entre os puntos quilométricos 13+680 e o 13+840, debido ao asolagamento do terreo sobre todo no inverno, construirase unha pasarela de madeira de 2 metros de largo.

A Consellería de Medio Ambiente destinará para esta actuación máis de 300.000 euros, dos cales preto de 45.000 euros están destinados ás correspondentes expropiacións.

11 de xuño de 2014 | 12:18 • Sen comentarios

Comentarios pechados.