Continúan hospitalizados os tres feridos no tiroteo de Cervantes
Os tres feridos nun tiroteo rexistrado o venres no municipio lucense de Cervantes, un pai e o seu fillo e un octoxenario, supostamente autor dos disparos, permanecen hospitalizados “sen novidade”.
Así o confirmaron este luns fontes próximas á investigación, que sinalaron que os pacientes, M.F.F., de 87 anos, e o sesaxenario J.G.G., e o seu fillo de 21 anos, permanecen ingresados “sen novidade”.
Fontes da investigación indicaron que a Garda Civil prosegue coas pescudas habituais nestes casos, no marco das cales está prevista a toma de declaracións cando os médicos o permitan en relación ao estado dos feridos.
O presunto autor do tiroteo, un home de 87 anos de iniciais M.F.F., atópase na Unidade de Coidados Intensivos (UCI) do Hospital Universitario Lucus Augusti (HULA).
Por a súa parte, o mozo de 21 anos R.G.C, que recibiu dous impactos de bala foi evacuado ao Complexo Hospitalario Universitario de Santiago (CHUS) e o seu, J.G.G., ao HULA.
A Garda Civil prosegue as pescudas para esclarecer as circunstancias nas que se produciron os feitos sobre as 11,30 horas do venres, no marco dunha discusión na que o octoxenario disparou os outros dous varóns e, posteriormente, tratou de suicidarse.