Comeza a conta atrás para disfrutar do Entroido en Bande
Os Troteiros animarán mañá sábado, día 22 de febreiro, as aldeas do Concello de Bande co ruído enxordecedor das súas chocas, buscando quen os invite a uns doces ou un licor café para entrar en calor nestes días tan fríos. A xornada de mañá preséntase maratoniana para estas máscaras que a partir das 10:00h. trotarán pola maioría das aldeas do concello tentando arrancar un sorriso ou un baile aos seus veciñ@s. O percorrido empeza as 10:00h. na aldea de Rubiás cos horarios aproximados que se detallan a continuación: A Granxa (10:15h.), Cadós (10:20h.) Recarei (10:30h.), Seoane (10:40h.), Pereira (10:50h. na casa do pobo), Corvelle (11:20h. na Corredoira), Calvos (12:15h. no centro social), Sarreaus (12:30h. no campo da festa), Vilameá (13:00h. na praza maior), Buxán (13:15h.), Vilela (13:35h.), Lebosandaus (13:50h.), O Pazo (14:05h.), Mexide (14:10h.), Santa Comba (14:20h.), Quintela (15:30h.), As Maus (15:45h.), Sordos (16:00h.), Nigueiroá (16:15h. onda a igrexa), Garabelos (16:45h.), Ribeiro (17:00h. nas Campinas), A Ponte Liñares (17:45h.), Güín (18:00h.), Trarigo (18:20h.), Carpazás (18:30h.), Vilar (18:45h.), Lueda (19:00h.), Martiñán (19:20h. onda o forno) e Praza da Constitución (20:00h.).