Adxudícanse 77.000 euros á construción de catro colectores para ampliar a rede de saneamento en Vilaboa
A Deputación de Pontevedra adxudicoulle á empresa Covsa, en 76.450 euros, a obra de ampliación da rede de saneamento de Curra, en San Adrián de Cobres, Vilaboa.
Os traballos derivan da necesidade de dar servizo a varias vivendas do mencionado lugar que non dispoñen de rede municipal de sumidoiros malia ter cerca algúns dos colectores principais do saneamento da rede.
Para executar a obra é precisa a construción de catro colectores, en tubaxes de 250 e 315 milímetros de diámetro segundo os tramos, así como a instalación de varios pozos de rexistro e resalto, de arquetas de acometida para a conexión das vivendas á rede.