Programas de conciliación para familias con cativos

O Concello de Outes, a través do Centro de Información ás Mulleres, está a desenvolver un programa de conciliación subvencionado pola Deputación da Coruña. “TEMPOS DE CONCILIACIÓN”, destinado ás familias de nenas e nenos de idades comprendidas entre os 3 e 9 anos, estase a realizar no Baixo do Centro Social (Praza do Bosque).

Con este programa o concello pretende dar cobertura ás familias nas épocas vacacionais (nadal, entroido e semana santa), así como as tardes dos xoves dende o 21 de febreiro ata o 16 de maio para que poidan conciliar a súa vida laboral, profesional e persoal.

O programa consta dos seguintes talleres:

• Un soño de nadal e a maxia do entroido, xa desenvolvidos.
• Semana de Pascua. Levarase a cabo os día 25, 26 e 27 de marzo
• Xoves divertidos: Dende o día 21 de febreiro ata o 16 de maio

Información e inscrición no Centro de Información ás Mulleres de Outes, Praza do Bosque, teléfono 981850949