O órgano provincial mostra o seu apoio ao Fórum Gastronómico da Coruña

  • wdfb_og_title:
  • wdfb_og_type:
  • wdfb_og_description:
  • wdfb_og_images: a:1:{i:0;s:0:"";}
  • wdfb_og_custom_name: a:1:{i:0;s:0:"";}
  • wdfb_og_custom_value: a:1:{i:0;s:0:"";}
PUBLICADO EN: Noticias de Galicia ► A Coruña ► A Coruña ► Local ► Provincias ▼
A-
A+
A Deputación da Coruña colaborará coa celebración do Fórum Gastronómico na Coruña o próximo mes de febreiro de 2014. A vicepresidenta da institución provincial, Mariel Padín, acudiu esta mañá á presentación do evento que tivo lugar no Palacio de María Pita xunto coa concelleira coruñesa de Turismo, Luisa Cid, e os organizadores da feira-congreso Pep Palau e Jauma Von Arend.

O Fórum Gastronómico terá lugar en Expocoruña o 23, 24 e 25 de febreiro do 2014 e servirá como punto de encontro dos mellores cociñeiros de España, así coma de escaparate dos chefs máis importantes de Galicia. Ademais das actividades propias da feira, durante toda unha semana estará en marcha na Coruña o FórumCiudad, no que se involucrará ao sector hostaleiro local.

“A Deputación definiuse sempre por ofrecer o seu respaldo aos proxectos e iniciativas dos concellos da nosa provincia e, moito máis, cando estes teñen un carácter dinamizador e traen consigo grandes beneficios para os nosos veciños”, explicou Padín, para despois engadir que este Fórum Gastronómico “é un bo exemplo, xa que A Coruña será o centro gastronómico e principal escaparate do sector durante os días nos que se celebre este evento”.

A vicepresidenta asegurou que este evento “é unha grandísima oportunidade que nin a cidade da Coruña, nin o Concello, nin a Deputación poderiamos deixar escapar”. A anterior edición que tivo lugar na provincia coruñesa, celebrada en Santiago no ano 2012, recibiu a visita de 15.000 persoas.

Pola súa banda, os organizadores resaltaron que con esta nova edición do evento que comezou no ano 1999 en Vic o obxectivo é “poner a Galicia en lo más alto de la cocina mundial”. Jauma Von Arend salientou “la buena sintonía” conseguida coa Deputación para a celebración do Fórum Gastronómico na provincia e asegurou que “encendemos los fogones ilusionadísimos para cocinar la próxima edición”. Pep Palau comprometeu que, aínda que non se pode adiantar o cartel de cociñeiros que se achegarán ata A Coruña durante a celebración do evento, si serán primeiros espadas do sector.
18 de setembro de 2013 | 15:59 • Sen comentarios
Outras novas do día

Comentarios pechados.