O alcalde vigués eloxia a figura de Alfonso Zulueta
Despois de achegarse ao cemiterio de Pereiró este xoves, Abel Caballero definiu a Alfonso Zulueta de Haz como un “defensor do mundo da cultura”, un “gran vigués, unha gran persoa”, que “tan bo nome e tantos bos recordos deixou na cidade”.
O alcalde de Vigo lamentou este xoves o pasamento de Alfonso Zulueta de Haz, “gran defensor do mundo da cultura”, un “gran vigués, unha gran persoa”. “Vaise un home que tanto fixo, que tan bo nome e tantos bos recordos deixou na cidade”, apuntou Caballero.
O rexedor vigués valorou o legado que deixou Zulueta de Haz desde a Fundación Penzol, da Editorial Galaxia ou do Consello da Cultura Galega, entre outras entidades culturais que presidiu. Caballero resaltou que en Vigo estivo “sempre do lado das causas da cultura”.