Unha persoa ferida grave tras ser atropelada en Carballedo
Unha persoa resultou ferida grave na mañá deste venres tras ser atropelada na N-540 ao seu paso pola localidade lucense de Carballedo. Segundo informou a Central de Atención a Emerxencias 112-Galicia, o atropelo aconteceu sobre as 10,30 horas á altura do quilómetro 65,8 da N-540, ao seu paso polo lugar de Barrela.
Ata o lugar do suceso desprazáronse efectivos da Garda Civil de Tráfico, de Bombeiros de Chantada e de Protección Civil. A vítima foi trasladada o un helicóptero sanitario do 061 ata un centro hospitalario.