Un total de 171 padeeiros tomarán a saída na 49º edición do Descenso do Eume

O vindeiro sábado día 5 de setembro dispútase a 49º edición do Descenso do Eume organizado polo Club Náutico Firrete e a Federación Galega de Piragüismo. Este ano participan 27 clubs vindos de toda Galicia, Asturias, Madrid e Andalucia. Os participantes tomarán a saída a partir das 17:30 da tarde nas dúas zonas previstas, desde o 1º refuxio sairán os homes cadetes kaiak, as mulleres e canoas en todas as modalidades, realizando un percorrido de 7km, o resto farano desde o segundo refuxio e terán que remar unha distancia de 12km.

Unha vez terminada a competición os participantes poderán facer uso das instalacións do Pavillón Municipal de Deportes para ducharse, ademais habilitarase no porto de Pontedeume estacionamento para furgonetas e outros vehículos dos participantes.

A entrega de premios levarase a cabo unha vez que se teñan os resultados oficiais na Praza do Concello de Pontedeume ás 20 h. Entregaranse trofeos aos tres primeiros clasificados de cada categoría, así como aos tres primeiros clubs da clasificación xeral.

No día da regata o tráfico na estrada de acceso aos diferentes lugares de saída da competición será restrinxido durante todo o día. Entre as 15:00 e as 17:30 horas permitiráselles pasar ao longo da estrada paralela ao río aos vehículos de motor dos equipos que compiten na proba e contar coa autorización da folla selada polo club de vela Firrete, debe recoller cando a autorización se converte na confirmación das inscricións no Concello de Pontedeume. Os vehículos deben estacionarse nos lugares indicados polo persoal da organización e non circular dirección Pontedeume até as 17:30 unha  vez déanse as saídas a todos os participantes.