Conductor e pasaxeiros saen ilesos tras envorcar un autobús de pasaxeiros polo xeo en Touro

Tres persoas, dous pasaxeiros e o condutor, resultaron ilesos nun accidente de tráfico rexistrado na mañá deste luns ao envorcar un autobús de pasaxeiros debido á presenza de xeo na calzada no municipio de Touro (A Coruña).

O sinistro tivo lugar sobre as 7,35 horas deste luns no tramo da estrada abranguido entre Ponte Ulla e Arzúa, en Touro, segundo informou o 112.

O CAE 112 Galicia alertou aos servizos sanitarios de urxencia e aos Bombeiros de Arzúa, que non chegaron a excarcerar, posto que as persoas puideron ser rescatadas en perfecto estado e trasladada a outro autobús para continuar o percorrido.

Non obstante, os bombeiros encargáronse de retirar varios postes de telefonía que quedaron tirados polo chan debido ao impacto do autobús ao envorcar.

A Guardia Civil de Tráfico indicou que a estrada, no momento no que se produciu o accidente, estaba chea de xeo pero, en ningún momento, se chegou a interromper a circulación nese tramo.

Ademais, debido a este sinistro o Centro de Atención ás Emerxencias informou aos efectivos de Protección Civil e a persoal do Concello de Touro.