Enviar a un amigo
Opinar
ImprimirA Semana do Atlántico Cidade de Vigo pon en xogo o título de campión galego de Vaurien
No Real Club Náutico de Vigo xa está todo preparado para que o vindeiro sábado, día 25 de outubro, dea comezo unha nova edición da Semana do Atlántico Cidade de Vigo – XXXIX Trofeo Martín Barreiro. As clases dobres serán as protagonistas deste primeiro ciclo que, ademais, decidirá aos novos campións galegos da clase Vaurien.
Serán xustamente as flotas de Vaurien e Láser 4.7, Láser Standard e Láser Radial as encargadas de inaugurar esta nova edición da cita do Real Club Náutico de Vigo. O sábado día 25 escoitarán o pistoletazo de saída á súa proba inaugural a partir das 14:00 horas e non será até o domingo, día 26, cando se coñezan aos vencedores.
A Semana da Atlántico Cidade de Vigo pon en xogo o título de campión galego de Vaurien
A clase Vaurien será unha das máis competidas neste primeiro ciclo da Semana do Atlántico Cidade de Vigo e é que en xogo está o título de campión galego de Vaurien.
Grandes regatistas pelexarán na ría de Vigo polo ansiado título e moitos perfílanse como favoritos ao título final. É o caso de Pablo Cabelo e Javier Lago, quen presentan as súas opcións fronte ao tándem formado por Andrés Viéitez e a campioa do mundo de Vaurien Alejandra Suárez. Os regatistas do Real Club Náutico de Vigo ocupan os primeiros postos nas quinielas xunto a Tirso Cerqueira Atares e Mario Pérez.
En total, case unha trintena de tripulacións representando a 13 clubs da xeografía española e portuguesa pelexarán polo título final en augas da ría de Vigo.
Máxima rivalidade en Láser Standard, Láser Radial e Láser 4.7
As flotas de Láser Standard, Láser Radial e Láser 4.7 ofrecerán todo un espectáculo na ría de Vigo e é que poucos se atreven a falar de favoritos nunhas clases tan competidas.
Todo parece indicar que o luso Serafim Gonçalves é un dos rivais a bater en Láser Standard xunto ao mozo Daniel Álvarez, do RCN Portosín. En Láser Radial a loita será pechada entre os regatistas coruñeses Esteban Martínez e Álvaro Sobral, recentemente chegados da Copa de España celebrada en Palma de Mallorca. Pola súa banda, o vigués Luís Quintela pelexará por lograr o título de vencedor da Semana da Atlántico Cidade de Vigo.
Mentres tanto, na flota de Láser 4.7 –una dos máis números nesta nova edición da proba do Real Club Náutico de Vigo- todo pode pasar e é que ninguén se atreve a falar de favoritos.
