O xuvenil do Azkar Lugo acode á “III Elite Futsal Cup – Copa Kelme”

O Azkar Lugo xuvenil impúxose ao Burela FS (5-3) no partido aprazado da 4ª xornada da Copa da liga nacional, o que lle permite empatar a seis puntos co propio Burela e loitar por ser primeiro clasificado na última xornada, o cal os pronistas xogaranse ante o Vilalba FS que completa o grupo norte desta Copa.

Ante os mariñanos o partido do pasado domingo empezou do peor xeito posible xa que nos dous primeiros minutos de partido, dous goles dos laranxas e o partido moi costa arriba. Tras un tempo morto local o xogo do Azkar cambiou, pero os goles non chegaban. Ambos equipos cargáronse de faltas e isto permitiu aos capitalinos reducir diferenzas de dobre penalti ao bordo do descanso. A reacción dos de Ángel Pérez foi máis aló e Álvaro case sobre a bocina poñía o 2-2.

Tralo intermedio o partido equilibrouse pero non sería ata a recta final do choque cando a contenda resolveríase a favor dos capitalinos. Primeiro foi o Azkar o que aproveitou unha expulsión do Burela para facer en superioridade o 3-2, aínda que dous minutos despois o Burela empataba co 3-3. Aos azuis non lles servía o empate e por iso apostaban por xogar con porteiro-xogador, táctica que saíu ben xa que dese xeito chegaría o 4-3 obra de Areñas. Entón o Burela tamén buscou a superioridade co porteiro-xogador, pero un balón roubado por Álvaro serviría para facer o 5-3 e así chegaba a sentenza e a vitoria local.

Ficha técnica:

Azkar Lugo 5: Yago Balsa, Rubén Mouriz, Areñas, Asier e Álvaro, -cinco inicial-, Adrián, Porto, Koke, Brais e Rubén.
Burela FS 3: Erik, Diego, Helder, Renato e Fran, -cinco incial-, Rubén, Aitor, Adrián e Sergio.
Árbitros: Álvarez López e Corral Martínez (Lugo).
Incidencias: partido aprazado da 4ª xornada da Copa da liga nacional xuvenil. Palacio Municipal dos Deportes de Lugo.
Goles: 0-1 min. 1 Renato, 0-2 min. 2 Fran, 1-2 min. 19 Rubén Mouriz, 2-2 min. 20 Álvaro, 3-2 min. 35 Adrián, 3-3 min. 37 Renato, 4-3 min. 39 Areñas e 5-3 min. 40 Álvaro.

III Elite Futsal Cup – Copa Kelme
Como en anteriores edicións e coincidindo coa Semana Santa, o Azkar Lugo xuvenil acode este fin de semana á localidade madrileña de Mejorada del Campo para disputar a “Elite Futsal Cup xuvenil – Copa Kelme”, que chega á súa terceira edición, e que como cada ano reúne a algunhas das mellores canteiras do panorama español.

Este ano danse cita: Inter Movistar, Ciudad de Toledo e ElPozo Murcia, encadrados no grupo A, mentres que UD Las Rozas Boadilla, Carnicer Torrejón e Azkar Lugo FS estarán no grupo B.

Desenvolvemento do Torneo:

Complexo Municipal La Dehesa de Mejorada do Campo:
Xoves 17 – 18:00 horas: Inter Movistar – Cidade de Toledo (A)
Xoves 17 – 20:00 horas: UD Las Rozas Boadilla – Carnicer Torrejón (B)
Venres 18 – 18:00 horas: ElPozo Murcia – perdedor A  Venres 18 – 20:00 horas: Azkar Lugo – perdedor B
Sábado 19 – 11:00 horas: ElPozo Murcia – gañador A  Sábado 19 – 13:00 horas: Azkar Lugo – gañador B
Domingo 20 – 12:00 horas: campión grupo A – campión grupo B

O Azkar Fundación benxamín, campión

A pasada semana o Azkar Fundación benxamín proclamouse campión da liga local da súa categoría tras impoñerse no seu partido ao Maristas por 3 goles a 0. Os pronistas desta forma acceden ao campionato provincial onde loitarán por conseguir o pase para o campionato galego.

Resto de resultados

Azkar Fundación prebenxamín 5 – Maristas 4
Azkar Prone benxamín 2 – Rosalía 2