Alberto Rodríguez, condecorado nos A’Desing Award 2013, impartirá un taller da RdI en Arteixo

Alberto Rodríguez

O taller informativo que esta semana organiza a Rede de Innovación de Arteixo está dedicado á innovación a través do deseño industrial. O relator invitado é Alberto Rodríguez Montiel, socio fundador do deseño pontevedrés Fruto DS, gañador do prestixioso galardón A’Desing Award 2013 polo seu colector Big.Bin. Estes modernos depósitos de lixo pódense ver desde hai medio ano nas rúas de Arteixo e en xeral toda a área metropolitana xa que o Consorcio das Mariñas adquiriunos á empresa fabricante, Formato Verde, para a recollida selectiva.

Na edición dos A’Desing Award do ano pasado, o Big Bin foi condecorado co premio Platino na categoría de mobiliario urbano, unha das 80 que posúe este galardón internacional, un do tres máis importantes para o sector. O proxecto, xurdido da colaboración entre o estudo Froito DS e a empresa Formato Verde, foi elixido entre máis de 5.000 proxectos presentados de 141 nacionalidades diferentes.

Tomando este caso de éxito como eixo argumental da súa intervención, Rodríguez Montiel explicará como un intenso traballo de colaboración entre a empresa e o estudo de deseño industrial favorece a conceptualización e desenvolvemento dun produto, así como a súa comercialización. O horario do taller é de 9.30 a 11.30 horas.

Último día para as consultorías personalizadas

Pemes e emprendedores do municipio poderán solicitar a súa participación nas asesorías personalizadas e gratuítas que se ofrecen a través da Rede de Innovación de Arteixo até mañá. Os interesados poden contactar ou solicitar máis información no email redinnovacion_arteixo@eoi.es, no teléfono 981 641 095 ou ben dirixirse ao persoal da Oficina da Rede de Innovación, situada no Centro Arteixo Innovación (zona deportiva e escolar) en horario de 9.00 a 14.00 e de 16.00 a 19.30 horas.

Durante as consultorías, que constan de 80 horas de duración, identificaranse aspectos crave que melloren a marcha de cada empresa e estableceranse propostas de cambio e aproveitamento de fortalezas. Na fase final, cada empresa executará un plan de acción, que igual que nos pasos anteriores estará tutorizado polo persoal técnico da Rede de Innovación

A Rede de Innovación de Arteixo é unha iniciativa de apoio a emprendedores e empresas promovida polo Concello e a Escola de Organización Industrial (EOI), cofinanciada polo Fondo Europeo de Desenvolvemento Rexional (FEDER) e o Ministerio de Industria, Enerxía e Turismo.