publicidade hoxe
Publicidade
omeulibro1

Rueda: “A colaboración entre municipios facilita o acceso ás axudas e a ser máis eficientes”

PUBLICADO EN: Noticias de GaliciaArangaLocal Portada
A-
A+
Rueda na visita ao Concello de Aranga

Rueda na visita ao Concello de Aranga

O vicepresidente, Alfonso Rueda, e a delegada territorial da Xunta na Coruña, Belén do Campo, visitaron esta mañá o concello de Aranga para facer balance do traballo da brigada medioambiental que comparte con Monfero e que se financiou ao abeiro do Fondo de Compensación Ambiental.

Rueda destacou a importancia da colaboración entre os concellos para o acceso ás axudas e gañar en eficiencia e puxo como exemplo a Aranga e Monfero, que concorreron de xeito conxunto ao Fondo para financiar con preto de 40.000 euros a brigada medioambiental.

A brigada encargouse da prevención de incendios mediante tratamentos preventivos en vías, camiños e outras superficies forestais en ambos municipios. Realizaron traballos de prevención, vixilancia, extinción e control de incendios forestais; e contribuíron á recuperación do medio natural, evitando o deterioro e conservando a biodiversidade.

Compartindo este servizo, Aranga e Monfero aforraron custes, gañaron en eficiencia e ofreceron un mellor servizo aos seus cidadáns. Tres obxectivos nos que traballa a Xunta e polos que se está a discriminar positivamente nas subvencións ás entidades locais que aposten pola prestación conxunta de servizos.

O Fondo de Compensación Ambiental é unha iniciativa que o Goberno da Xunta puxo en marcha en 2010 e que permitiu que por vez primeira os concellos galegos puideran beneficiarse directamente da explotacións eólicas, posto que as actuacións que se realizan son financiadas a través do canon eólico.

Ademais, representa un triplo beneficio para os concellos: axuda ás arcas municipais; coopera na conservación do medio natural; e é unha clara mostra da aposta da Xunta polo reequilibrio territorial, xa que beneficia sobre todo a municipios pequenos e do interior de Galicia.

O ano pasado, a provincia da Coruña foi unha das máis beneficiadas polo Fondo de Compensación Ambiental. Financiáronse máis de 60 proxectos cun investimento superior aos tres millóns de euros.

29 de xaneiro de 2014 | 19:13 • Sen comentarios

Comentarios pechados.