Cabanas organiza unha ruta polas Fragas do Eume
A Concellería de Cultura e Deportes en colaboración co club KDM de Cabanas ten previsto organizar para este próximo domingo unha nova ruta de sendeirismo, dentro da súa planificación habitual mensual. Neste caso, a ruta proposta levará ós seus participantes ata ó corazón das Fragas do Eume, pasando pola parroquia de Irís en Cabanas.
O día escollido será como se indicaba anteriormente o domingo 19 de xaneiro e o punto de saída como é habitual será no antigo campo de fútbol da Madalena. Os que desexen participar deberán presentarse alí as 10:00 horas. A duración prevista da ruta é de tres horas e media aproximadamente e a súa dificultade baixa.