A galería de mulleres de Muxía dedica o mes de xullo a Ernestina Otero
Na Biblioteca da Muller do Concello de Muxía pódese atopar o libro de Puga Pereira, Manuel. ERNESTINA OTERO SESTELO, PEDAGOGA.
Ernestina Otero (Redondela, 1890- 1956. Mestra e pedagoga)
Foi profesora na Escola Normal (Maxisterio) de Pontevedra, centro que chegou a dirixir durante a República e que impregnou das súas ideas renovadoras no ámbito pedagóxico. Defendeu os dereitos das mulleres, entre eles os da formación, e manifestouse en 1933 a favor do estatuto de autonomía. Despois do golpe de 1936, Ernestina Otero foi suspendida de emprego e soldo e no seguinte ano separada definitivamente da profesión o que a levaría a ter que sobrevivir impartindo aulas particulares.
Coa revisión do seu expediente e despois de estar suspendida do emprego durante dous anos, pasa a impartir aulas na Escola Normal de Ourense. Durante todo o tempo, Ernestina Otero Sestelo desenvolve tamén un importante labor de axuda a fillos e fillas de vítimas da represión franquista. Só en 1951 puido volver a Pontevedra, onde finou aos 65 anos.
O Concello de Pontevedra rendeulle homenaxe no mes de maio de 2014