A asociación Galega de Linfedema informa sobre esta enfermidade en Vilagarcía

O sábado, 7 de marzo, co gallo da conmemoración do Día Internacional de Linfedema, a Asociación Galega de Linfedema (AGL) estará na Praza de Galicia de Vilagarcía informando á veciñanza sobre esta doenza e tamén expoñendo traballos que realizaron tanto persoas asociadas á entidade como familiares.

Baixo o lema Non queremos Ser INVISIBLES para a Sociedade, sobre as 11.30 horas lerán un manifesto no que achegarán cal é realidade que viven moitas das persoas afectadas pola doenza do linfedema e que non están debidamente tratadas.

AGL é unha entidade sen ánimo de lucro e nace como resposta á necesidade de apoio, información e representación das persoas afectadas por Linfedema, unha patoloxía na que se ven afectadas unha ou varias partes do corpo que aumentan de volume, producido por unha malformación, disfunción, obstrución ou dano no Sistema Linfático. Considérase unha das enfermidades mais desfigurantes e discapacitantes, sendo o seu estado mais avanzado a Elefantiase.