A Biblioteca Nodal de Lugo entrega os premios aos 15 escolares gañadores da fase local do certame das Letras Galegas

A Biblioteca Nodal entregará mañá os premios aos quince escolares que resultaron gañadores da fase local do Certame de narración e debuxo infantil Letras Galegas 2014, convocado este ano baixo o lema “Cociñando contos”. A entrega de premios terá lugar no salón de actos da biblioteca mañá, martes, ás 18.00 horas; os seleccionados recibirán un diploma e lote de publicacións e competirán polo premio final da fase provincial.

Este concurso, que alcanza xa a súa vixésima edición, está organizado pola Consellería de Cultura, Educación e Ordenación Universitaria, a través da Biblioteca Nodal, e involucra a 23 bibliotecas públicas da provincia. Estes días estanse a recompilar os traballos gañadores en todas elas para dirimir o nome dos vencedores da fase final provincial.

Na Biblioteca Nodal de Lugo, os gañadores na modalidade de debuxo nas distintas categorías foron:

Categoría A (Ata 8 anos)
– Elena Páez Burgo. 7 anos. Colexio Illa Verde.
– Sara Álvarez Civeira. 8 anos. Colexio Anexa
– Alba Abelleira Amigo. 6 anos. Colexio Illa Verde.

Categoría B (9 a 11 anos)
– Claudia Pérez Portomeñe. 9 anos. Colexio Maristas
– Julieta Vélez Lacour. 11 anos. Colexio de Casás
– Pablo Couso Varela. 10 anos. Colexio de Casás.

Categoría C (12 a 16 anos)
– Mónica Díaz Fraga. 12 anos. Colexio San Xosé
– Ana Treitas Iglesias. 12 anos. Colexio San Xosé
– Paula Barreiro Rodríguez. 12 anos. Colexio San Xosé.

Na modalidade de narración resultaron premiados os seguintes participantes:

Categoría B (9 a 11 anos)
– Sandra Puebla González. 10 anos. Colexio A Ponte
– Andrea González Luaces. 11 anos. Colexio Divino Maestro.
– Susana Ibáñez Chas. 11 anos. Colexio San Xosé.

Categoría C (12 a 16 anos)
– Candela Ángela Neira Villares. 12 anos. Colexio A Ponte
– Mario Rodríguez Salgado. 12 anos. Colexio Illa Verde
– Marina F. Riesco Amurrio. 16 anos. IES Lucus Augusti.

O xurado estivo formado por Marisol Gonzalez Regal, directora da Biblioteca Nodal; Jaime Santoalla Varela, Inspector Xefe de Educación; Manuel Gulín Rodríguez, pintor, e Carmen López López, técnica da biblioteca, actuando como secretario o xornalista Xulio Xiz Ramil.