Pontecesures contará co alumeado de Nadal a partir deste sábado

Tal e como estaba previsto, a instalación do alumeado navideño nas rúas centrais de Pontecesures terá lugar este sábado pola mañán e deste xeito se completa o xa instalado pola brigada de obras. Esta actuación ademais complementa a decoración levada a cabo polos comerciantes locais tal e como se acordara no seu momento. O equipo de Goberno municipal quere agradecer a colaboración dos establecementos comerciais no embelecemento da vila nestas datas.