Open Xadrez ‘Nadal de Verín’

O Concello de Verín e o Centro de Desenvolvemento Rural Portas Abertas promoven a organización do Open Xadrez ‘Nadal de Verín’ para o vindeiro 21 de decembro.

Devandito torneo, que se disputará no Pavillón Municipal de Deportes de Verín a partir das 15.30 horas, está dividido nas catro seguintes categorías:  Sub 8, Sub 10 Sub 12 e Adulto. O sistema de xogo no que se asentará este  Open Xadrez ‘Nadal de Verín’ é o sistema suízo a 7 roldas, cun ritmo de xogo de 10 minutos por xadrecista. Entregaranse remios aos tres primeiros de cada categoría, así como medallas aos/ás participantes. E para é necesario inscribirse, antes do 20 de decembro ás 22 horas, nos correos electrónicos xadrezverin@gmail.com e pabellon@verin.net, ou nos teléfonos 988-989508 e 988-411140.

Esta iniciativa deportiva enmárcase dentro do ciclo de actividades que desenvolverá o Concello de Verín e a Asociación de Empresarios de Verín-Centro Comercial Urbano Verín (AEVER-CCU Verín) para as festas de Nadal. Entre as mesmas atópanse Festa de Nadal, Festival infantil de Nadal, Concerto de Nadal, Concerto para os nosos maiores, ‘@Komezamos.Kom’, representación teatral ‘Avós…nunca é tarde’, Marcha solidaria – Andaina e carreira solidariam, Cantos sacros e panxoliñas, ‘Que chega Santa Claus e o seu duende’, Kero-Nadal, ‘Festa do doce do Nadal’, ‘Día dos Santiños Inocentes’, Cantos de aguinaldo dos nosos maiores, Espectáculo musical ‘Los cuentajuegos’, Cotillón Infantil de Noitevella, Esquiando en Manzaneda, concerto-presentación do disco ‘Alén do Mar’ de Óscar Ibáñez, Chegada do Carteiro Real, Cabalgata e Gala de Reis e XX Concerto de Reis, entre outras actividades.