Catoira cofinancia a adquisición de dous desfibriladores destinados ás competicións deportivas

O alcalde de Catoira recollerá mañá na Deputación de Pontevedra dous desfibriladores semiautomáticos externos que serán utilizados en todas as competicións deportivas que se celebren no municipio. Os equipos foron financiados ó 50% polo Concello de Catoira e o organismo provincial.

Nas sedes do Club de Piragüismo As Torres-Romaría Vikinga e o Club de Fútbol  Catoira S.D., principalmente, practican a diario deporte moitos veciños e veciñas do municipio. Por este motivo, e co fin de mellorar o equipamento destinado á prestación de primeiros auxilios, o Goberno local decidiu adherirse á proposta da Deputación de dotación de desfibriladores, achegando o 50% do importe dos mesmos, que ascendeu a 2.600 euros.