A Deputación mercará 13 furgonetas para entidades sen ánimo de lucro

A Deputación de Pontevedra mercará 13 furgonetas para que outras tantas entidades e asociación sen ánimo de lucro da provincia poidan desenvolver a súa actividade de tipo benéfico, social, deportiva ou de seguridade civil. A inversión prevista é de 373.404 euros.

O presidente da Deputación, Rafael Louzán, asinou hoxe os respectivos convenios cos seus homólogos das entidades beneficiarias.

As entidades e asociacións beneficiarias son as seguintes: Club Náutico de Cobres (Vilaboa), Club de Salvamento de Sanxenxo, Club Piragüismo de Vilaboa, Club Deportivo Miño de Tomiño, SD Samertolameu de Moaña, Club Poio de fútbol sala, Club Balonmán Cangas, Peña Ciclista Bike Estrada, Agrupación Deportiva Sodim de Vigo, Club Piragüismo Portonovo, Agrupación Deportiva Tamaiar-Apamp, de Vigo, Club Piragüismo As Torres de Catoira e Club de remo Vila de Cangas.

As furgonetas que estas asociación recibirán son da marca Citröen, tipo Jumper ou Jumphy. A firma radicada en Vigo colabora coa iniciativa aplicando un desconto pola compra de cada furgoneta.

Nos últimos anos a Deputación impulsou un plan que posibilitou a concesión de 96 vehículos a outras tantas entidades. Coas 13 comprometidas hoxe, o plan acada a cifra de 109 furgonetas entregadas a colectivos e agrupacións sen ánimo de lucro. A inversión total da Deputación neste programa superou os 2,5 millóns de euros.