Detido un home como presunto autor de 17 incendios forestais no Concello de Maceda

Axentes da Policía Autonómica da Xefatura de Ourense informaron do esclarecemento de 17 incendios forestais no Concello de Maceda.

A Policía Autonómica de Ourense procedeu á detención dun varón como presunto autor dun total de 17 incendios forestais ocorridos nos lugares de Tioira, Castro de Escuadro, A Teixeira, Vilardecáns e Santiso, pertencentes a este concello ourensán.

Os lumes producíanse sempre preto do enderezo do detido, de madrugada, e a carón de pistas forestais e estradas. A detención tivo lugar tras un dispositivo de vixilancia de 10 días. Fóronlle intervidos seis acendedores.

Na actual campaña antiincendios forestais do 2017, un total de 72 persoas foron detidas/ investigadas pola Policía Autonómica, como presuntas autoras de incendios forestais.