Investigan un suposto caso de violencia de xénero e detención ilegal en Cambre

A Garda Civil investiga un suposto caso de violencia de xénero e detención ilegal dun mozo á súa exparella na localidade coruñesa de Cambre, feitos polos que o mozo foi detido o domingo.

Segundo explicaron fontes próximas á investigación, os feitos denunciados pola moza en dependencias do Instituto Armado en Cambre sucederon entre o sábado e o domingo.

A moza acudiu a presentar denuncia cun parte de lesións do Punto de Atención Continuada (PAC), tras os que a Garda Civil detivo ao novo denunciado.

A Policía Xudicial da Garda Civil investiga un suposto caso de violencia de xénero, agresión sexual ou violación e detención ilegal por reter supostamente á súa exparella desde o sábado día 10 ao domingo.

O mozo detido foi trasladado ao hospital coruñés de Oza, á espera de pasar a disposición xudicial.