Morre atropelada en Carballo unha muller de 77 anos

Unha muller de 77 anos faleceu a última hora deste xoves atropelada na localidade coruñesa de Carballo, segundo informou a Garda Civil de Tráfico. En concreto, o atropelo produciuse no quilómetro 5,6 da estrada DP-1914, na coñecida como recta de Rus, onde a muller foi atropelada por unha furgoneta.

Até a zona desprazáronse axentes da Garda Civil, así como unha ambulancia do 061, que trasladou á muller, en estado grave, ao Complexo Hospitalario da Coruña. Con todo, a muller faleceu horas despois polas feridas sufridas.