Un pesqueiro con 4 tripulantes tivo que ser remolcado tras sufrir un fallo mecánico

Unha embarcación de Salvamento Marítimo remolcou este venres a un pesqueiro a Cedeira (A Coruña) con catro tripulantes a bordo tras quedar á deriva ao sufrir un fallo mecánico. Segundo informou Salvamento Marítimo, ás 4,55 horas o pesqueiro ‘O José Ramón’, de dez metros de eslora, alertou de que estaba á deriva debido a un fallo mecánico.

O pesqueiro atopábase a oito millas ao Oeste de Cabo Ortegal cando deu aviso pola emerxencia, da coordinación da cal se encargou o Centro de Salvamento Marítimo de Fisterra. A embarcación ‘Salvamar Shaula’ fixo firme o remolque do pesqueiro ás 6,05 horas e trasladouno ata o porto de Cedeira, onde quedou atracado ás 7,30 horas.