Os bombeiros axudan a un home a abandonar o coche tras envorcar en Pedrafita do Cebreiro

Os efectivos do parque comarcal de Sarria axudaron a un home a saír do vehículo no que quedara atrapado tras sufrir un accidente de tráfico en Pedrafita do Cebreiro (Lugo). Segundo informa o 112, o varón, que resultou ferido, foi evacuado posteriormente. O vehículo envorcou cando circulaba pola coñecida como estrada dos Casares, á altura do lugar de Rubiais, en Pedrafita.

Tras o sinistro, o varón non podía abandonar o coche polos seus propios medios, polo que se requiriu a presenza dos bombeiros, aínda que non chegaron a empregar material de excarceración.

Ademais, o 112 informou o GES de Becerreá e a Garda Civil de Tráfico, despois de recibir unha chamada de alerta sobre as 18,00 horas. Urxencias Médicas, que xa tiña constancia dos feitos, mobilizou o helicóptero medicalizado con base en Ourense.