Cinco feridos nun accidente múltiple entre tres vehículos en Oleiros

Unha colisión entre tres vehículos que circulaban por a N-VI saldouse con cinco persoas feridas. O accidente produciuse á altura de Carballo, no concello coruñés de Oleiros, segundo informa o 112. Aínda que nun primeiro momento – o sinistro rexistrouse sobre as 21,15 horas deste mércores – non había constancia de que houbese persoas afectadas, foi precisa a intervención dos servizos sanitarios para atender ás cinco persoas, entre elas unha nena, que viaxaban nos coches, e que resultaron todas feridas de carácter leve. O 112, ademais de informar os técnicos sanitarios, solicitou a colaboración dos axentes da Garda Civil de Tráfico e a dos membros do servizo municipal de Protección Civil de Oleiros.