A Garda Civil incauta 27 plantas de marihuana en Agolada e detén ao seu coidador e propietario

Plantas incautadas

No marco das actuacións que a Garda Civil vén realizando para a erradicación do cultivo e venda de sustancias estupefacientes na provincia, no día de onte a Garda Civil  incautouse dunha plantación de marihuana no municipio de Agolada. Por mor das investigacións realizadas por compoñentes do Posto Principal  da Garda Civil  Lalín  púidose pescudar que nunha leira da parroquia de Borraxeiros, termo municipal de Agolada, existía un invernadoiro e no seu interior podería haber plantas de marihuana, polo que tras a correspondente autorización da Autoridade Xudicial procedeuse ao rexistro do referido lugar.

No rexistro apréciase unha plantación de Cannabis composta por 27 plantas de gran altura (2,30 metros), as cales estaban regadas polo sistema de “goteo”. Posteriormente realízase rexistro noutras dependencias da vivenda, situada na mesma leira, localizándose no trasteiro da mesma sementeiros de marihuana, un habitáculo de madeira revestido de paneis antihumidade e illante térmico, lugar que sería utilizado para o secado das plantas unha vez retiradas do invernadoiro.

Por todo iso procedeuse á súa incautación e á detención de M.G.B., de 38 anos de idade e veciño de Agolada, como suposto autor dun delito contra a saúde pública, ao ser o propietario e coidador de devandita plantación. O detido, que carece de antecedentes policiais, será posto, xunto coas plantas intervidas, a disposición do Xulgado de Instrución número UN de Lalin.