Un condutor atropela unha muller e dáse á fuga en Pontedeume

Os servizos sanitarios de urxencia atenderon este xoves unha muller que foi atropelada por un vehículo na rúa Ricardo Sánchez, en Pontedeume (A Coruña), segundo informa o 112. Tras o accidente, o condutor do turismo continuou a marcha e, na súa partida, golpeou á ambulancia que asistía á ferida, de acordo co relato da Policía Local. Ademais dos axentes locais, o persoal do 112 pediu a colaboración da Garda Civil de Tráfico e de Protección Civil e informou Urxencias Médicas, que finalmente enviou máis medios ao lugar do sinistro.