Estabilizado o incendio de Cartelle que supera as 20 hectáreas queimadas

Un incendio forestal declarado este mércores no concello ourensán de Cartelle queimou unhas 20 hectáreas e foi estabilizado sobre as 15,40 horas, segundo a información que traslada a Consellería do Medio Rural e do Mar. O lume, na parroquia do mesmo nome, iniciouse ás 12,15 horas e quedou estabilizado ás 15,41 horas. Segundo as primeiras estimacións provisionais, a superficie afectada podería superar as 20 hectáreas. Nos traballos de extinción deste incendio participaron dous axentes forestais, oito brigadas, tres motobombas, cinco helicópteros e oito avións.