Falece unha muller de 71 anos en Santa Comba vítima dun atropelo

Unha muller de 71 anos faleceu este sábado no municipio coruñés de Santa Comba vítima dun atropelo, segundo confirmou a Policía Local e Protección Civil.

   En concreto, como explicaron as mesmas fontes, o sinistro tivo lugar poucos minutos antes das 10,00 horas na estrada de Muxía, no lugar de Castiñeira.

   Segundo apuntou Protección Civil, o causante deste sinistro foi un vehículo de mensaxería que, por circunstancias aínda descoñecidas, arrastrou a septuaxenaria que camiñaba pola beiravía. O falecemento desta veciña de Santa Comba confirmouse oficialmente pasadas as 11,45 horas.