Extinguido o incendio forestal que queimou en Lousame unhas 50 hectáreas

A Consellería do Medio Rural e do Mar informa da extinción do incendio forestal rexistrado onte no municipio coruñés de Lousame, na parroquia Fruíme. O lume iniciouse ás 14:03 horas de onte e quedou extinguido ás 22:45 horas. Segundo as últimas estimacións, a superficie afectada é de arredor de 50 hectáreas de monte arborado. Nos traballos de extinción deste incendio participaron 5 axentes forestais, 13 brigadas, 6 motobombas, 1 pa e 5 helicópteros.

A Consellería do Medio Rural e do Mar lembra que está a disposición da cidadanía o número de teléfono gratuíto 085, ao que deben chamar en caso de detectar algún lume forestal.