Un traballador falece nun accidente laboral en Santiso

Un traballador perdeu a vida este luns no municipio coruñés de Santiso cando realizaba labores de roza no cemiterio de San Román. Diso informou o 112, que explicou que o empregado quedou “atrapado” entre unha pa retroescavadora e un muro e tivo que ser excarcerado polos Bombeiros da veciña localidade de Arzúa. Segundo os datos facilitados polos bombeiros, o accidente laboral tivo lugar pasadas as 10,00 horas deste luns e o traballador falecido tiña uns 45 anos.