Rescatan a un motorista accidentado nun monte do concello coruñés de Monfero

Un motorista foi rescatado este domingo tras sufrir unha caída nunha pista forestal en Monfero (A Coruña) e quedar nunha zona de difícil acceso.

Segundo informou o CAE 112 Galicia, foi un particular o que deu a alerta do accidente, que se produciu arredor das 12,40 horas na parroquia de San Fiz de Monfero.

Debido ás dificultades para acceder ao lugar no que quedara o motorista e a preocupación polo seu estado de saúde mobilizouse o helicóptero medicalizado con base en Santiago e a dúas patrullas da Garda Civil.

Finalmente, un todoterreo permitiu que os servizos sanitarios puidesen entrar a asistir ao ferido que, posteriormente, foi trasladado neste vehículo ata onde agardaba o helicóptero.