Xuventude informa de novos cursos de inmersión en lingua inglesa

O Ministerio de Educación e Ciencia convoca 14.000 axudas de 568,30 € cada unha para seguir un curso de inmersión lingüística en inglés organizado pola Universidade Internacional Menéndez Pelayo.

Requisitos:

Poderán solicitar estas axudas os mozos que non cumprisen 30 anos a 31 de decembro de 2015 e que obtivesen a condición de bolseiro para Ensinanzas Universitarias, Ensinanzas Artísticas Superiores, outros estudos Superiores ou Formación Profesional de Grao Superior nalgunha das seguintes convocatorias:

Curso 2012-2013:
Bolsas de carácter xeral e de mobilidade para estudantes de ensinanzas universitarias (BOE do 14 de agosto 2012).
Bolsas de carácter xeral e de mobilidade para alumnado que curse estudos postobrigatorios e superiores non universitarios (BOE do 14 de agosto 2012).

Curso 2013-2014:
Bolsas para estudantes que cursen estudos postobrigatorios, (BOE do 19 de agosto)

Os cursos impartiranse en dúas modalidades: modalidade de axilidade oral en inglés xeral e modalidade de inglés especializado.
Ambas as dúas modalidades terán unha duración de cinco días e desenvolveranse en réxime de internado de domingo pola tarde a sábado a mediodía.

Os cursos desenvolveranse en Santander, Madrid, A Coruña, Cuenca, Valencia, Sevilla, Granada, Tenerife, A Liña da Concepción, Barcelona, Aragón e Cartaxena no período comprendido entre o 30 de marzo e o 14 de decembro de 2015.

O prazo para presentar solicitudes estará aberto ata o 21 de febreiro de 2015.
As solicitudes poden tramitarse en www.mecd.gob.es, en trámites e servizos.
Máis información no BOE do 29 de xaneiro de 2015 e www.mecd.gob.es