Unha gran cantidade de polos morreu no incendio dunha granxa en Crecente

Unha granxa de polos ardeu na madrugada deste venres na localidade pontevedresa de Crecente, debido ao que morreron gran cantidade de aves queimadas ou asfixiadas. Ademais, o propietario tivo que ser trasladado a un centro sanitario tras sufrir unha crise de ansiedade.

Segundo informou o 112, unha gran cantidade de polos morreron na madrugada deste venres tras incendiarse unha granxa situada no lugar da Capela, no termo municipal de Crecente.

Despois de recibir a alerta dun particular ás 2,20 horas deste venres, o 112 pasou aviso aos Bombeiros de Ponteareas e os axentes da Garda, que no lugar comprobaron que era necesaria unha ambulancia para trasladar un centro hospitalario ao dono da nave tras sufrir unha crise de ansiedade.

Os bombeiros confirmaron ao Centro de Atención ás Emerxencias que faleceron moitos animais e que arderon comedeiros e serraduras que había polo chan. O servizo de Medio da Xunta de Galicia tamén foi informado do suceso. O lume quedou totalmente apagado.