Un ancián falece nun monte en Corcubión

Un home duns 80 anos de idade faleceu este luns debido supostamente a unha caída nun monte na localidade coruñesa de Corcubión en circunstancias que investiga a Garda Civil.

Segundo informou o 112, un particular solicitou axuda sobre as 11,20 horas deste luns debido á calda dun home no monte en Corcubión.

O falecido estaba en compañía da súa muller, segundo confirmaron fontes da Garda Civil, que precisaron que foi ela a que deu a voz de alarma.

Alertados polo 112 Galicia, os servizos sanitarios de urxencia desprazáronse ao lugar dos feitos. En concreto, o 061 enviou unha ambulancia e un médico, pero non puideron facer nada por salvarlle a vida e faleceu no lugar.

Fontes do Instituto Armado sinalaron que, tras o levantamento do cadáver, se trasladou o corpo para practicárselle a autopsia co fin de esclarecer as causas da morte.